• Job Type:
• Category: Other
• Location: Wellington
• Date Advertised: 17-NOV-20
• Job Reference: NZQA/2083SEC
• Job Title: &#274tita M&#257ori / Editor (M&#257ori)
• Business Unit:
• Division:
• Summary:

Whakatairangatia ngā kete o te mātauranga ki te ao mārama!

E te tai whakarunga, e te tai whakararo – nau piki mai, nau kake mai ki te Mana Tohu Mātauranga o Aotearoa.

May the baskets of knowledge (education) be brought into the world of light.

We welcome one and all to join us at the New Zealand Qualifications Authority.

He Ētita Māori

E rapu ana mātou i tētahi Ētita Māori me ōna pūkenga reo Māori, reo Ingarihi hoki, kia mahi ngātahi i te kapa Ētita ki te Mana Tohu Mātauranga o Aotearoa mō ngā whakamātautau NCEA me Te Hiranga.

Ngā pūkenga tāngata e hiahiatia ana

• He pūkenga hōmiromiro i ngā tuhinga ka whārikihia ki te rāngai mātauranga, pēnei i te tuhinga ā-ipurangi, ā-kaupapa, ā tari nei.
• He mōhio ki ngā kōrero marau huhua – ehara i te tuhi pūrongo!
• He mātau ki te raweke i ngā rauemi hangarau pēnei i ngā taputapu hou o te Mac
• He ngawari hoki ki te mahi ngātahi i tētahi tīma
• Me uaua ka kite i tēnei momo tūranga ki Pōneke – kaua e takaroa ki te tono mai!

Ngā pūkenga tāngata e tika ana

• He mātau ki te whakawhiti kōrero (ā-waha, ā-tuhi), ki te whakatikatika kārawarawa hoki.
• He mōhio ki te hōmiromiro, ki te whakatika rānei i te tuhinga e ai ki ōna horopaki maha pēnei i te marautanga; te whai whakaaro hoki ki te take, te tākune me te tika o te kaupapa tuhituhi
• He whaikaha ki ngā tikanga o te whakatakoto tuhinga (desktop publishing), ki ngā tukanga hoki e hāpai nei i te whakamahinga tuhinga a te kiritaki
• He wheako hoki mō te whakarite tuhinga tūmatanui ki te ipurangi, ki ngā pūmanawa rorohiko (i te pūnaha Mac)
• He ngākau ū ki te mahi, ki te raupapa kaupapa, ki te whakaoti mahi i roto i te wā kua whakaritea
• He manawa reka ki ngā tukanga o te whakatikatika ā-takirua, ā-tima hoki.

Te Mana Tohu Mātauranga o Aotearoa (NZQA)

He tari kawanatanga a NZQA, ā, he tari whakaako i te reo Māori, he tari whakatairanga hoki i ngā kaupapa o te mana taurite me te ako auroa.  Ka whakaarotau hoki i ngā tikanga Māori hei whakapakari pūkenga kaimahi, hei whakatau tonu i te ahurea Māori o te tari. E manawanui ana hoki a NZQA ki te manaaki i ngā kaimahi Māori, ā, kua whakaritea hoki te rōpū ‘Te Kāhui Māori’ hei āwhina, hei tautoko i ngā kaimahi Māori katoa.

Ko ētahi atu whakamahuki

Tirohia te tūranga mahi, te tūtohinga kiritaki (customer charter) ngā mātāpono (organisational values) me ngā huanga o ngā kaimahi (staff benefits) Mēnā kei te tono mai mā te pūnaha ‘SEEK’ pēhia te ‘tonohia mai’ kia tau atu ki ngā tūhonotanga nei.

Me he pātai āu e ai ki te tūranga, waea mai ki a Thomas Liggett – 04 463 3069.

Ka kati nei ngā tono hei te Mane 30 o Noema 2020 – 5.00pm.