Kaiarataki Marautanga

  • Company:
    Maori Pacific Jobs
  • Location:
  • Salary:
    negotiable / month
  • Job type:
    Full-Time
  • Posted:
    2 days ago
  • Category:

Job Description

  • He tūturu
  • I ētahi takiwā
  • Kia ora, Bula Vinaka, Fakaalofa lahi atu, Fakatalofa atu, Kia orana, Malo e lelei, Malo ni, Talofa lava, Tena koutou katoa, welcome.

    Haere mai, tāreia te āhua o te Mātauranga mō āpōpō

    I te Tāhuhu o Te Mātauranga, ka mahi tahi mātou ki te tārai i tētahi pūnaha mātauranga hāpai putanga ako ōrite, kairangi hoki.

    Neke atu i te 3,000 ngā tāngata whai pūmanawa nui, pono ki te kaupapa, huri noa i Aotearoa, me te tini anō o ngā kāwai whakaheke, me ngā ahurea.

    Ahakoa he rerekē ngā rōpū o roto, me ngā huarahi mahi, kaupapa mahi rerekē, ka mahi mātou ia rā kia whai hua ai ngā mahi mā ia tamaiti, mā ia taiohi, mā ia ākonga taipakeke i tō tātou pūnaha mātauranga.

    E hanga ana mātou i ētahi pūmanawa hou hei hora tautoko marautanga ā-motu mā tō mātou whatunga ā-rohe i roto i Whakamana Rāngai & Tautoko, hei tautoko i ngā kura, i ngā ratonga kōhungahunga me ngā kōhanga reo. E mārama ana mātou ko te huarahi tautoko marautanga pai rawa mō te ākonga, ko te huarahi paheko.

    Mō tēnei tūranga

    He whāinga wahi hou, he whāinga wāhi ahurei tēnei hei tautoko i ngā kaiako ki te hoahoa, ki te whakaako hoki i ngā marautanga ā-rohe, me ngā marautanga ā-kura hei tautoko i te tamariki me te toiora o te tamaiti. Ka noho koe hei wāhi o tētahi tira hou e mahi pipiri nei ki ngā kura, ki ngā ratonga kōhungahunga me ngā kōhanga reo hei:

  • Hora tautoko ā-tinana ki ngā kaiako, kia hora i tētahi marautanga ā-rohe me tētahi marau ā-kura e arotahi ana ki te toiora tangata.
  • Ka mahi tahi me ngā mātua, ngā whānau me ngā iwi hei hoahoa i tētahi marautanga whakakite i ngā moemoeā o ā rātou ākonga, ō rātou whānau, e hāngai ana hoki ki te marautanga ā-motu, e whakaahua nei hoki i ō rātou hiahia ā-rohe ake.
  • Ka mahi tahi me ngā rauemi marautanga me ngā aratohu (ina ētahi tauira, ko Ka Hikitia, Te Hurihanganui, ko Tapasā me Te Ahu o Te Reo Māori, ngā aratohu mō Aratohu mō te Mātauranga mō te Oranga me te Hauora Hinengaro, ngā aratohu mō Te Mātauranga Piringa, Hōkakatanga hoki, mō te Hauora (marautanga) me ngā rauemi mō Akoranga Pāpori, Kare ā-Roto hoki)
  • Ka waihanga whatunga mahi paheko i roto i ngā hapori kura, ā, ka āta tiri i ngā tikanga mahi ā-rohe.
  • He kōrero mōu

    E eke ai koe ki ngā taumata i tēnei tūnga, me tangata:

  • Tino mōhio, tautōhito i roto i ngā mahi whakaako me te ako, te arataki, ngā ariā me ngā mahi tūturu o te marautanga me te aromatawai, me te āhei ki te tautoko i te hurihanga ngaio i ngā taumata kura, i ngā taumata pūtahi kōhungahunga, kōhanga reo hoki.
  • Tino mōhio, whai pūkenga wheako mō te tautoko i te hoahoa marautanga e mōhio pū ai te tangata kua puta he hua mō ngā hapori matahuhua.
  • Whai pūkenga takawaenga, pūkenga mō te taha tangata, he mōhio ki te whakawhanaunga ki te tangata, he pūkenga whakahāngai i ngā mahi ki ngā momo whakawhitinga kōrero, me ngā momo horopaki rerekē.
  • Tautōhito, kua kitea e te tini tōna kaha ki te hanga me whakapūmau hononga takatika ki ngā whānau, me ngā hapori Māori, Moana-nui-a-Kiwa hoki.
  • Mō te hunga arataki Marautanga e mahi ana i roto i ngā horopaki Arareo Māori, me mātua mōhio ki Te Reo.
  • He tino whāinga wāhi whakaoho i te ngākau tēnei, e tūhono ai koe ki tētahi tira ā-motu, e puta ai he hua tino nui ki te toiora o te tamariki, o te taiohi.