Te Pae Huarewa, Te Toi

  • Company:
    Govt NZ Jobs
  • Location:
  • Salary:
    negotiable / month
  • Job type:
    Full-Time
  • Posted:
    3 weeks ago
  • Category:
    Government
  • Job Type: Ongoing – Full Time
  • Category:
  • Location: Wellington – Wairarapa
  • Date Advertised: 01-FEB-21
  • Job Reference: NZ/2021/15
  • Job Title: Te Pae Huarewa, Te Toi
  • Business Unit:
  • Division:
  • Summary:

Tūranga Wātea 2021/15
Te Whanganui-a-Tara
Te Whānui o te Utu ā-Tau $114,747- $134,997  (pūwaenga)

He ngākau titikaha, he hononga tangata

Kei te rapu mātou i tētahi Pou Tohu Mātāmua i roto i tō mātou rōpū o Te Pae Huarewa, kei raro i te Pou Mataaho. Ko te kawenga o tēnei rōpū hei kawe i ngā tikanga Māori ki ō mātou tikanga whakahaere, e whakakaha ai i ō mātou tāngata kia whakamana ake te tirohanga Māori i roto i ā rātou mahi. He nui te mahi ngātahi a Te Manatū Taonga ki rōpū kē atu, ā, ka hāpai mātou i tēnei mahi.


Kōrero mō te tūranga
Hei Pou Tohu Mātāmua whai wheako huhua, ka arataki koe i ō mātou whakaaro rautaki ā-hinonga, i te ngākau titikahatanga mō te taha ahurea Māori ki taumata kē, i roto i te horopaki o te ao Māori. Ko tētahi aronga matua o te tūranga hei whakahaere i te whakawhanaketanga o te anga ka whakamahia hei whai whakaaro mō tō mātou hinonga me tā mātou mahi (Te Whare o Te Manatū Taonga), hei whakahaere i te whakawhanaketanga o te kaupapa mahi whānui o te rōpū, me tōna whakatūtukitanga, me te whakahaere anō hoki i ngā pūrongo ā-hinonga mō te taha whakatutuki i tō mātou Rautaki Māori (Te Arataki). Ka kōkiri, ka hāpai kaupapa koe, huri noa i Te Manatū Taonga, tae atu ki te hunga whai pānga ki tua atu o Te Manatū Taonga.

Kōrero mōu
Me matatau koe ki te reo me ngā tikanga Māori, me mōhio hoki koe ki te Tiriti o Waitangi, ki te ao Māori anō hoki. I tua atu i tēnei, kei te rapu mātou i te tangata:

  • e āhei ana ki te whakaaro ā-rautaki me te whakamahi i te rautaki
  • e whai ana i ngā pūkenga whakarata tangata, e kaha ana ki te tuku i ōna mōhiotanga hei whakaako, hei whakamanawa anō hoki i ngā tāngata atu
  • e whai ana i ngā wheako huhua hei kaiarataki i roto i te rāngai tūmatanui, e āhei ana ki te tū hei māngai mō te Manatū
  • kua mahi ngātahi ki ngā iwi me ngā tāngata Māori, ā, kei ā ia ngā hononga pūmau ka taea te whakamahi i te tūranga hou.


Ko wai mātou
Kei Te Manatū Taonga he mana whānui, he toronga whānui i roto i te pūnaha matatini. Kei tōna 140 ngā kaimahi, he hinonga pūioio, paparite tēnei, ko tētahi painga ka āta mōhio koe ki ō hoamahi. E hāpai ana mātou i te matahuhua me te whakawhāititanga, e ngākaunui ana hoki mātou ki tā mātou mahi, e pōwhiri ana ki ngā tāngata whai wheako mai i ngā rāngai huhua hei whakakaha, hei hāpai i ngā pou o tō mātou whare.

E mahi ana mātou i tētahi rāngai e whakarato ana i te $11 piriona ki te GDP o Aotearoa, me ngā tūranga mahi e 90,000, kei reira ko te hanga kiriata me ngā rāngai puoro tuatini, te pāpāho me te ori hīteki, te kapa haka me ngā taonga tuku iho, me te aha atu anō. Kei te hāpai ā mātou mahi i te whakatairanga a te kāwanatanga i te Aotearoatanga, tō mātou tuakiri ahurea – mai i te kaupapa here ki te tuku kaupapa mahi. I te taha o ō mātou hoa – ko ngāi Māori, ko ngā rangapū rāngai tūmatanui, ko mātou rangapū whiwhi pūtea – kei te tūhono mātou i ngā hapori ā-rohe ki ngā wheako ahurea hei whakatupu i tō mātou mātauranga. Kei te tuku pūtea, kei te tuku pūrākau e whakaatu ana i te āhua o ngā tāngata o Aotearoa i tēnei wā, hei whakatere i te ara kei mua, hei waihanga i te whenua whakawhāiti, whakakotahi hei kāinga pai mā ā tātou tamariki.

Tūhuratia mātou i konei: https://mch.govt.nz/about-ministry/jobs-and-careers

Me pēhea te tono
Pāwhiritia i konei hei titiro ki te whakaaturanga tūranga, hei tono anō hoki
Mehemea he pātai āu, whakapā atu ki a: jane.ransfield@mch.govt.nz

Ka katia ngā tono: 14/02/2021

Te Mahi Hangore
E hāpai ana Te Manatū Taonga i te mahi hangore. E pīrangi ana mātou kia pai tō noho i roto i te mahi, i waho hoki i te mahi, nō reira kōrerotia mai ngā whakaritenga mahi e tika ana māu

Āheinga
Mehemea ehara koe i te kirirarau o Aotearoa, me whai koe i te āheitanga ki te mahi ki Aotearoa hei mahi mō Manatū Taonga. Tēnā koa whakapā atu ki te New Zealand Immigration Service mō te roanga atu o ngā kōrero.