Voss helsestasjon- og skulehelseteneste har ledig 100% vikariat helsesjukepleiarstilling frå august-26 - august-27, dato for oppstart etter nærare avtale. Ta kontakt for meir informasjon.
Helsestasjon og skulehelsetenesta er organisert under kommunalavdeling Oppvekst i Barne- og familietenesta, som i tillegg består av PPT, barneverntenesta, kommunepsykologane og integreringstenesta. Tenestene er samlokaliserte i Knutepunktet, sentralt i Voss sentrum. Andre aktuelle samarbeidspartar i bygget er BUP, legekontor, psykisk helse & rus, og NAV.
I tenesta vår jobbar merkantil, fysioterapeut, jordmødre, helsesjukepleiarar og legar. Me har helsetenester til gravide, helsetenester til flyktningar, helsestasjon 0-5 år og helsestasjon for ungdom i våre lokale på Knutepunktet. I tillegg har me skulehelseteneste tilstades ute til barne-og ungdomsskulane, og til dei to fylkeskommunale videregåande skulane på Voss.